Imisebenzi dololo e-UK …kubekwa imithetho emitsha

I-UNITED Kingdom ibika ukuba kayisoke isaqhatsha kumbe ukunika amaviza kuzisebenzi ezivela kwamanye amazwe, ezinakekela izigulane labantu esebeluphele.

Lokhu kuvezwe nguhulumende wakulelo ngesikhathi ekhuluma lomsakazo weBBC.

Unobhala wendaba zekhaya kuhulumende we-UK, uYvette Cooper uthe:
“Yiso isikhathi sokuthi kumiswe ukuqhatshwa kwezisebenzi ezivela phetsheya. Imithetho izatshintsha lonyaka.

Amankampani kuzadingeka ukuthi aqatshe izizalwane zeBritain kumbe ayengeze amaviza ezisebenzi ezivela phetsheya, esezikhona kuleli.”

Uthe uhulumende wabo usebeke amacebo wokwehlisa inani labantu abafika kulelo.

Kubikwa uhulumende wakulelo uzakwethula utshintsho olukhona kumthetho wamaviza lokuqhatshwa kwabantu ngoMvulo. Inhloso yalokhu yikwehlisa inani labantu abafika e-UK.

Kubikwa inani labantu abafika, besiyasebenza e-UK bebeng-906 000 ngoNhlangula ka-2023. Ngommyaka odluleyo bekule 728 000.

Okakhathesi kubikwa i-UK isilela izisebenzi ezibazayo, ama-graphic designer, labasebenza ema-pharmacy.