admin
Buhlebenkosi Gaule
KUZABE kungabizwa ozwayo kusasa kumkhosi weScience Technology Engineering Mathematics owaziwa ngokuthi yiSTEM koBulawayo lapho abantwana abazabe bephiwa izicoco zokwenza kuhle kuzifundo zesayensi ngenhloso yokuthuthukisa izifundo lezi.
Umkhosi lo uzakwenziwa ehoteleni yeRainbow Hotel lapho okuzabe kuphiwa abafundi abazintshantshu izipho ezehlukeneyo ngenjongo yokuphakamisa izifundo zeSTEM.
Kubikwa umvuzo wakuqala kumncintiswano lo ngowebhasi ehlala abantu abangu-30 baphiwe lemali engange$100 000.
Umvuzo wesibili abafundi bazathola ama-laptop angu-100 kunye lama-ipad angu-100.
Kumvuzo wesithathu abafundi abalitshumi bazathola ithuba lokuyavakatshela indawo okuthiwa yi-Microsoft kanye lamanye amankampani abona ngezemitshina yakulezinsuku.
Uhlelo lweSTEM luhlose ukukhuphukisa inani labafundi abenza izifundo ze-Science njalo kukhangelelwe ukuthi kusiyafika umnyaka ka-2018 kube sekulabafundi abanengi abenza amakhosi eSayensi kumakolitshi atshiyeneyo okuzabanceda empilweni kuphinde kuthuthukise lesizwe.
Kubikwa uHulumende usebhadalele abafundi bezikolo zikaHulumende abenza izifundo zeSayensi ukuze benelise ukuqhubekela phambili ngezifundo zabo.
Online Reporter