adminUKWAKHIWA kwempambosi yokwenzayenza kuyaqhutshwa
Ezenzweni eziqala ngongwaqa zilamalunga angaphezu kwamabili:
Izibonelo: gijima — gijigijima, thalaza — thalathalaza, qaphelisa — qapheqaphelisa.
Lapha kuphindwa amalunga amabili asekuqaleni andubana sijobelele amalunga acinayo.
Ezenzweni eziqala ngonkamisa zilamalunga amabili:
Izibonelo: osa — osayosa, eba — ebayeba, ala — alayala, enza – enzayenza.
Siyaphindwa sonke isiqu kodwa kufakwe u –y- phakathi.
Ezenzweni eziqala ngonkamisa zilamalunga edlula amabili:
Izibonelo: ephula — ephulaphula/ ephuyephula
Esula — esulasula/esuyesula
Endlala — endlalandlala/ elayelapha.
Sinanzelela ukuthi isenzo singaphindwa sonke ngaphandle kukankamisa osekuqaleni kuphela.
Loba kuqalwa ngamalunga amabili okuqala, silandelise ngo –y- anduba sifake wonke njalo amalunga alesosenzo.
Impambosi yokwenziwa
Impambosi le ikhomba khona kanye ukwenziwa
Izibonelo: Isitshwala sidliwa ngabafana.
Amanzi akhiwa ngamankazana.
Inkabi zibotshwa ngabafana.
Sidliwa, akhiwa, zibotshwa — La amagama akhomba okwenziwa esitshwaleni, emanzini kanye lenkabini. Yizo izenzo eziyimpambosi yokwenziwa.
Ukwakhiwa kwempambosi yokwenziwa
Impambosi le ingakhiwa ngendlela ezilandelayo:
Eziqwini zesenzo ezilesiqa esisodwa:
Izibonelo: dla — dliwa, fa — fiwa, pha — phiwa, ma — miwa.
Kulezizenzo sijobelela u-iwa endaweni kankamisa osekucineni.
Online Reporter