admin
NTALELE
KULENDODA yeNtalale eGwanda ekhandwe ngamatshe isolwa ngokuthandana lonkosikazi wenye indoda.
UMnumzana Edias Nare ukhandwe ngamatshe nguDavid Ndlovu ngempelaviki kubangwa umfazi okucine kubangela ukuthi izitolo zivalwe.
Ekhuluma lentatheli uMnumzana Divine Moyo uthe babenatha utshwala ezitolo omunye wathi exoxa ngomakhwapheni wakhe kanti usezokhele amalahle ekhanda.
“Umsindo wahle wathi bhe bacina sebekhandana ngamatshe,” kubika uMnu Moyo.
Uqhubekele phambili eveza ukuba umsindo lo waba mkhulu ngoba sekukhanya ukuthi bathandana lomakhwapheni munye njalo owendileyo.
UMthunywa uxhumane loMnu Nare onguye owaqala umsindo waveza ukuba kwaba lokungazwanani “ngoba sibanga umama munye.”
Ekhuluma lentatheli uMnu Ndlovu owakhandwa ngamatshe uthe kuliqiniso ukuthi walimala kakhulu ngesikhathi kubangwa umakhwapheni ovele endile.
“Okokuthi lami ngikhonjiwe angali kodwa kwakumele sikhulume njengamadoda singalimazani,” kuphetha uMnu Ndlovu.
Online Reporter