admin
ABABUKELI bomdlalo ophakathi kwamaqembu enguqu Manchaster United leManchaster City ngoMgqibelo bazakhipha imali efika i$1 000 ukungena enkundleni yeOld Trafford.
IManchaster United inxusa umakhelwane wayo iMan City kulumdlalo ozadibanisa abaqeqetshi abatsha bamaqembu la uJose Mourihno loPep Guardiola.
Umdlalo lo ulindwe linengi labasekeli beMan U okubikwa sebekhetha ukuthi bathengisele amatikiti kwabanye abantu abalesifiso sokubukela umdlalo kodwa beswele.
Kubikwa lamapholisa akulelidolobho leManchaster esebophe zaqina, elungiselela umdlalo lo.
Unompembe womdlalo kuzakuba nguMark Clattenburg.
Kusenjalo, Kusenjalo iqembu leMan U lizathembela kumgadli walo uZlatan Ibrahimovic ukuthi ahlasele igedi leMan City mhla womdlalo. Umdlali lo usefaniswa njengo Eric Cantona umdlali weMan U owake wadla ubhedu ehlohla njalonje nxa ithimu ihlangana leMan City ngeminyaka yama-1990s. — Ubulembu
Online Reporter