admin
INHLANGANISO yeNational Athletics Association of Zimbabwe (Naaz), isitshele labo abafuna ukumela isizwe kumidlalo yamaOlympics ukuthi balungiselele ukuncintisa kumaWorld Para Athletics Grand Prix kuqala. Imidlalo yeGrand Prix le izaqhutshelwa eDubai mhlaka 6 kusiya kumhlaka 14kuNhlolanja.
Le yimidlalo ezaqala andubana kuvulwe inkundla zama-Olympics edolobheni leTokyo ngoNcwabakazi.
Umongameli weNaaz uTendai Tagara ubikele iphephandaba likazulu wathi bonke abafuna ukugijimela isizwe kuzamele baqale ngokuzibonakalisa enkundleni zaseDubai.
Kuliviki iNaaz ikhangelele ukuthi ihlanganise umbuthano wabagijimayo labanye abancintisa kunzima ezehlukeneyo zomdlalo we-athletics.
“Umdlalo wethu uvunyelwe ukuthi uphatheke kulumncintiswano ngakho sikhangele ukuthi sivalele ama-athletes kuBio Bubble ngesikhathi beqala inkamba yokulolonga,” kutsho uTagara.
Umongameli weNaaz lo uthe bazalandela yonke imilayo.yokuvikela ukumemetheka kwegcikwane le-Covid 19.
Uthe inhlanganiso yabo ikhethe ukuthi igxile kuzigaba zomdlalo ezintathu.
“Sikhuthaza amalunga ethu ukuthi ahlale elolonga ngoba minengi imncintiswano ezaqhutshwa kulumnyaka,” kutsho uTagara.
Imidlalo yama-Olympics yayihlelwe ngomnyaka odluleyo kodwa yedluliselwa phambili kulandela ukuqhamuka kwegcikwane leCoronavirus.
Online Reporter