Indlela zokuxotsha impukane esilugwini

IMPUKANE zandise ukugcwala lapho okuhlala khona izifuyo ngenxa yezizatho ezimbalwa. Okokuqala zibizwa ngumnuko womquba kanye lokudla okubolayo.

Okwesibili, zithanda izilugu zenkukhu ngoba  zizalela endaweni elobumanzi njalo engathi iyakhudumala. Ingcekeza emanziswa lizulu, ubutoto kumbe lamanzi zindawo lapho okuzalelwa khona impukane.

Landela imicijo elandelayo ukuze uxotshe impukane:

a. Gezisa isilugu sakho. Impukane zihugwa yikunuka kanye lobumanzi njalo zidla umquba.

b. Susa ingcekeza phakathi kwesilugu. Susa ukudla okusalayo kwenkukhu, amaqanda amadala ongahlangana lawo.

Thela i-vinegar emhlophe emanzini owasebenzisa ukugezisa isilugu.

c. Indawo le kumele ihlale ibetha umoya okuzenza impukane zingahlali phansi esilugwini.

d. Lima izihlahlakazana ezixotsha izibungwana ezifana le-rosemary, lavender, lemon balm, lemon grass, catnip kanye le-mint. Ziqume uzifake phakathi esilugwini.