admin
Ethel Ncube
ZISELE zibabaza izakhamizi zeMafa Line eTsholotsho ngemva kokuba enye indoda eleminyaka yokuzalwa engu-29 izibophele ngoba itshelwe ukuthi ubaba abekholwa ukuthi nguyise kayisuye omzalayo.
Kubikwa uNkosilathi Ndebele oleminyaka engu-29 yokuzalwa uzihilele mhlaka 11 Lwezi ephahleni ngemva kokubikelwa ukuba uMnumzana Fisher Ndebele abekholwa ukuthi nguyise kasi yise omzalayo.
Kuzwakale ukuthi uNkosilathi wabikelwa indaba le ngenyanga kaMfumfu ngunina njalo kazange akufihle ukuthi indaba le kayimphathi kungakho uzazibophela.
Kuvele njalo ukuba engakazibopheli wathumela isithandwa sakhe umlayezo wokuba uMnu Fisherman kayisuye yise kungakho ufuna ukuzibophela ngoba kuyindaba elukhuni kuye.
Kubikwa intombi kamuyi, uSakhile Ncube wathi esamukela umbiko lo kazange aphozise amaseko wahle wagijima esithi uyamkhangela ngokusweleka kwenhlanhla wathi evula endlini wathola uNkosilathi evele esezithulele.
Isikhulumi samapholisa esabelweni seMatabeleland North uInspector Glory Banda uthe bamukele umbiko wendoda ezibophele isola ukuthi indoda eyamkhulisayo kayisuye yise.
“Isidumbu sihanjiswe esibhedlela sayahlolwa njalo akukho okubi okucatshangelwayo,” kuphetha uIns Banda.
Online Reporter