adminKULESIGELEKEQE sendoda esibulewe yizakhamizi zeLiwonde esigabeni seChikwawa eMalawi kulandela ukubulala owesifazana andubana sidle ingxenye yomzimba wakhe.
Lokhu kukhitshwe kumbiko yeNyasa Times.
“Ubungeke ufise ngitsho ukukhangela isidumbu sakhona,” kutsho uRhoda Mawale, olipholisa enkambeni yeChikwawa.
Ngemva kokwenza icala leli izakhamizi zilande isibotshwa zasigijimisa andubana zimbulale.
Isehlakalo lesi singezelele inani labantu ababulawa nguzulu osokuvame kunyanga ezisanda kwedlula.
Indoda engaziwayo kubikwe ukuba yatshaywa yafa nguzulu ngemva kokucatshangelwa ukuthi itshontshile.
Indoda le kubikwa yatholakala endlini kamakhelwane ngemva kwalokho yatshaywa yatshiywa eceleni kwesipolo lapho eyagxotshwa khona yisitimela.
Inhlanganiso yamazwe eyeUnited Nations of Human Rights isisole abantu ngokuhlasela abanye babo elizweni leli.
Inhlanganiso le ithe abalesandla emacaleni la kumele babotshwe njalo kuyadingeka ukuthi bafundiswe ngobubi bokufaka umthetho ezandleni zabo. — Ubulembu
Online Reporter