Indoda idlwengula isisebenzi (16)

Narrating her story, the woman said the officer had given her a dollar to buy food while she was sitting in the charge office. “When I denied his sexual advances, the police officer wrestled with me arguing that I had to return his one dollar.He took advantage of the fact that I had disclosed that I had no other money for transport to return to Madziva.”

Thokozile Mbedzi

KULENDODA yelokitshini leMpopoma koBulawayo ebotshelwe icala lokudlwengula isisebenzi sayo kusukela ngenyanga kaZibandlela kusiya kuLwezi andubana asethusele ukuthi singabikela loba ngubani ngakho uzasibulala.

URomeo Sibanda oleminyaka engu-39 obotshwe kule iviki kubikwa ubehlukuluza untombazana oleminyaka engu-16 oncedisa unkosikazi wakhe endlini.

UMsekeli wesikhulumi samapholisa koBulawayo uAssistant Inspector Nomalanga Msebele uthe babophe indoda ngecala lokudlwengula.

“Amapholisa akoBulawayo abophe indoda eleminyaka yokuzalwa engu-39 esolelwa ukuba ibihlukuluza isisebenzi sayo emacansini kusukela ngenyanga kaZibandlela kuze kufike kuLwezi.

“Umetheswacala kubikwa ubethi engahlukuluza untombazana lo amlaye ukuthi angatsheli muntu ngakho ngoba angenza lokhu uzambulala,” kuveza uAsst Insp Msebele.

Uqhubekele phambili esithi umetheswacala ubethi angabona unkosikazi wakhe esephume endlini waya e-flea market lapho athengisa khona athathe lelo thuba ukusala ehlukuluza untombazana lo.

Lokhu kuze kwavela mhlaka 16 Lwezi lapho unkosikazi wakhe asola ukuthi untombazana lo engabe esezithwele ngoba ukuziphatha kwakhe sekuguqukile wasembuza wachaza ukuba kusukela ngenyanga kaZibandlela umkakhe ubemhlukuluza emacansini.

Indaba le yahle yayabikelwa amapholisa umetheswacala wabotshwa.

Omele isikhulumi samapholisa uAsst Insp Msebele uthe abantu kabatshiyane lomkhuba wokwephula amalungelo abanye abantu.

“Njengamapholisa sixwayisa uzulu ukuba ehlukane lomkhuba wokwephula amalungelo ezisebenzi ngoba umthetho uzabajezisa.

“Sixwayisa uzulu njalo ukuthi kaphangise ukubikela amapholisa ngamacala afana laleli ukuze amapholisa aphenyisise kusasemasinyane njalo kwenqatshelwe ukuba sengozini yokutheleleka ngemikhuhlane ethelelwana emacansini efana lama STIs, igcikwane leHIV kanye lokuzithwala”, kuphetha uAsst lnsp Msebele.