admin
Thokozile Mbedzi
ZILOKHU zinkemile izakhamizi zesiqintini seZunguza esigabeni seNdali eChiredzi ngemva kokuba elinye inina elileminyaka yokuzalwa engu-48 lilunywe yinkume lafa.
UFlora Munorweyi kubikwa ubebebethwa ngumoya lomkakhe, uEphias Muvumbi phandle ngehola lesificamunwe munye ebusuku aze alunywe yinkume.
Kubikwa inkume le yangena phakathi kwengubo yamlula loba bazama ukuthi bamgijimisele esibhedlela kodwa bathi befika ekilinika yeSt Joseph Gudu babikelwa ukuthi usedlule emhlabeni.
Ekhuluma lentatheli kaMthunywa uNkosazana Angela Moyo uthe lokhu bengelankani ngesehlakalo lesi.
“Umakhelwane wami lomkakhe ngenxa yokutshisa bacabanga ukulala phandle ebusuku ngoba kutshaya umoya omnandi Bathe belokhu bezixoxela inkume le yangena phakathi kwengubo yasiluma uMunorweyi ehlombe.
“Inkume le isimlumile yala ilokhu inamathele okwenza umkakhe waze wabiza abantwana bayikhipha bayibulala andubana bamthwalele ekilinika ngebhala.
“Isimanga esibe laso yikuthi kungani inkume le yamluma yanamathela ingazange ibaleke,” kutsho uNkszn Moyo.
Isikhulumi samapholisa esabelweni seMasvingo ulnspector Kudakwashe Dewa ebuzwa ngodaba lolu uthe solufikile ehofisini yakhe.
“Samukele umbiko wenina elilunywe yinkume lafa,” kuphetha uInsp Dewa.
Online Reporter