Indoda idlwengula owaye ngunkosikazo wayo

National Prosecuting Authority of Zimbabwe (NPAZ)

Nkosilathi Sibanda

AKWAZIWA kumbe yisikhwele loba yikwehluleka ukuzibamba?

Le yindabamlonyeni ephethwe yizakhamizi zeHope Fountain bucwadlana ledolobho lakoBulawayo lapho oku-lendoda eleminyaka engu-35 yokuzalwa egwetshwe iminyaka engu-15 ejele ngemva kokutholakala ilecala lokudlwengula inina elali ngumkayo.

Ngokutsho kombiko ovezwe yiNational Prosecuting Authority of Zimbabwe (NPAZ), isehlakalo lesi senzakala ekuseni mhlaka 10 Ncwabakazi 2026.

Kuthiwa indoda le yafika emzini lapho okwakuhlala khona lo owayengumkakhe, laye oleminyaka engu-35 yokuzalwa, eNgoma Homestead.

Kubikwa ukuthi indoda le yangena endlini lapho owesifazane lo ayehlala khona, yafika yamdlwengula ngaphandle kwemvumo yakhe.

Udaba lolu lwavela egcekeni ngemva kokuba umamangala esebikele amapholisa eHillside Police Station.

Owesifazane lo wahamba esibhedlela ukuze ayehlolwa, kwalandela ukubotshwa kukamsolwa.

facebookShare on Facebook
TwitterPost on X
FollowFollow us
PinterestSave

Related Posts

Yimpelaviki yomdladla kuDivision One
Yimpelaviki yomdladla kuDivision One

Fungai Muderere ILIGI yomdlalo kanobhutshuzwayi kuPacific Breeze Southern Region Soccer League ibuyela enkundleni ngoMgqibelo ngemidlalo ekhangeleka ihlabusa, lapho amaqembu azabe edinga imiklomelo ukuze aqinise izikhundla zawo kulogu, njengoba isizini isingena…

Continue reading
IPickleball isungulwa emaYouth Club akoBulawayo
IPickleball isungulwa emaYouth Club akoBulawayo

Nkosilathi Sibda IKHANSILI yakoBulawayo ibika ukuba isizasungula umdlalo we-pickleball kundawo zabasakhulayo, kuma-youth clubs, ngenjongo yokusekela lumdlalo lokukhuthaza intsha ukuthi iphatheke kwezemidlalo. Lokhu kuvele ngesikhathi kuqhutshwa umncintiswano weZimbabwe Prickleball Association Community…

Continue reading

Leave a Reply

Your email address will not be published. Required fields are marked *