admin
KULOVALO emphakathini weBisley eGoli emva kokutholakala kwentombazanyana ingembethe ngezansi ilamanxeba okugwazwa kumgwaqo uHolder Road ngoLwesibili. Lingane eleminyaka engu-13 igama layo ligodliwe ngenxa yeminyaka, kusolwa ukuthi ihlukunyezwe ngokocansi ngaphambi kokubulawa.
Kuthiwa isidumbu ebekade silamanxeba okugwazwa ekhanda lasezandleni, sitholwe lilunga lomphakathi ebelisiyalahla ingcekeza endaweni elihlathi lelendlela esetshenziswa uma ufuna ukunqamulela labe selibikela amapholisa.
Ilunga lomphakathi elingathandanga ukudalulwa lithe kulendawo kujwayele ukuhlala abafana kanye lamantombazane abadla izidakamizwa.
“Sizizwa singaphephile kwazise lento yenzeke ngezikhathi zasemini. Kade sasinxusa uManisipala uMsunduzi ukuba usisusele lesikhotha.
Izingane azisezukwazi ukuphumela ngaphandle. Sisathukile lamanje ukuthi kungenzeka into elesihluku esingaka endaweni yethu. Sizwelana kakhulu lomdeni kanti siyanxusa umanisipala ukuba usisusele lesikhotha esesiphenduke isidleke sezigebengu lalapho kubhenyelwa khona izidakamizwa. Siyacela lamapholisa alokhu ezohlola isimo endaweni yethu lomphakathi ubike izinto ezisolisayo,” kutsho lona.
UKhansila Nokuthula Msimang uthe badabuke kakhulu ngalesisehlakalo esilesihluku esehle endaweni abakhe kuyo okungesokuqala ngqa.
“Sizwelana kakhulu lomdeni ngesimo obhekene laso. Silwisana kakhulu lokuhlukunyezwa kanye lokubulawa kwabesifazane lezingane kuyinto esingayithakaseli. Sinxusa umphakathi uma kukhona abalolwazi babikele amapholisa ukuze kuvalelwe lezi zigilamkhuba,” kutsho uMsimang.
UMsimang uthe okunye bazakutshiyela emapholiseni ngoba akukaveli ukuthi lo owesifazane ubulawelwe kulendawo noma ulethwe esezolahlwa.
Okhulumela amapholisa esiteshini i-Alexandra uCaptain Kholeka Mhlongo usiqinisekisile isigameko sokutholakala kwalentombazanyana wathi bazoqhubeka lokuhlala bezohlola kulendawo. Uthe izindaba zokuthi lengane iqale yadlwengulwa kusangamahlebezi basalinde imiphumela ezoqinisekisa.
“Siphenya icala lokubulala. Isidumbu sitholwe lilunga lomphakathi ekade lisiyalahla ingcekeza lase litshayela amapholisa. Utholwe elamanxeba ekhanda lasezandleni ngezansi engagqokile,” kutsho uCaptain Mhlongo.
Online Reporter