adminUMYENI wami udakwa njalonje Khulu. Ngicela ungisize angisakwazi ukuthi ngenzeni ngoba usebenza eGwanda kodwa lanxa ebuya ekhaya uyabe edakiwe esehluleka lokukhuluma kumbe ukuchitha isikhathi lathi. Uyehluleka lokubhadalela abantwana imali zesikolo njalo kalathando. Sengize ngicabanga ukuthi uselomunye umfazi. Ngenzeni Khulu?
Impendulo
Abantu abanengi sebevala ukwehluleka kwabo ngentombi yakoGwebu. Abanye indaba zemacansini ziyabe sezafa kudala uzwe indoda isithi “umfazi wami yintombi emhlophe umaGwebu” isitsho iwumana ibalekela ucansi endlini. Hatshi ke mzukulu khuluma lomnyeni wakho umbuze njalo umtshele ngesenzo lesi esibi kangaka osenzayo. Ukuze usuthiseke ngomcabango womfazi kuhle ukuba uke umvakatshele eGwanda khonale uyebona ukuba lakhonale yiyo yini indlela aphila ngayo. Nxa kuyikuthi kafuni kuzwisisa ngokodla kumbe ukuhlawulela abantwana esikolo, ulelungelo lokuya emthethwandaba uyefuna imali yesondlo sabantwana, balakho ukukunceda sibili.Bakhona obaba abahlezi ezindlini kodwa isithi ingaphela omama bahambe baye baholela imali emabhanga.
Unjani Khulu? Ngidinga usizo oluvela kuwe. Ngingumama oleminyaka engu-23 yokuzalwa. Ngendile njalo silengane eyodwa. Uhlupho lwami Khulu ngolokuthi akanathi tshwala kodwa uhlala ephuza ukubuya ngekhaya. Ngingathi kuviki uyenelisa ukubuya ngo 1 ekuseni endlini angangitsheli ukuthi ubengaphi. Ngenzeni khulu ngoba abantu bahlala bengitshela ukuthi umuntu onganathiyo vele uyahlupha ngoba uyabe ethanda abafazi. Sokusithi ngibuyele kithi. Ngenzeni Khulu?
Impendulo
Okokuqala, ungakha kumbe ukubiya umuzi wakho ngamahlahla abanye abantu ulakho ukudilika, kungakho nje ukuba ube usithi abantu bathi lokhu lalokhu akusoze kukwakhele umuzi mzukulu. Njalo hlala phansi uhluzisise ukuba wena owakulanda emendweni kuyini, njalo awusakutholi na? Kumbe kungaba khona osekutshintshile khathesi. Kwesinye isikhathi uzabalekela umnyama ongela mpisi kube kanti umkakho uthi engatshayisa emsebenzini ahambe emabhawa ebusuku ayekuba ngumawobho, lokhu phela befuna abantu abanganathiyo ukwenzela ukuchina asebenathile, kube sekuhlupha ngokunga kutsheli kuphela. Kungakho-ke, hluzisisa udaba lolu kulokuba uthwale imikhono ekhanda. Asikafiki isikhathi sokubaleka emkulwini, mela intuthu njengomama, uhluzisise isimo, njalo lixoxe ngakho lejaha lakho lize libonisane iqiniso lonke elingeyama kulo.
Khulu ngabanjwa ngamandla ukuthi ngihlale lendodana yami, umalukazana kanye labantwabayo ababili ngesikhathi umntanami engasebenzi. Khathesi usesebenza kodwa kabasafuni ukusuka endlini yami. Umalukazana wami livila elehluleka ngitsho lokuzenwaya, ukugqoka lakho kakwazi ngitsho. Ugqoka impahla ezimfitshane, nxa zizinde umzimba wonke uyabe uphandle ngangizwe khulu bethi ngama-see through. Khulu sengike ngazama ukukhuluma labo ngakho kodwa kukhanya akula mehluko obakhona. Khulu angazi ukuthi ngithini kodwa ngicela uncedo lwakho.
Impendulo
Ngabe kusemakhaya ngabe ngithi vukela kosobhuku uyemthululela uhlupho lwakho lonke kodwa kulapha emadolobheni lapho umlamlankunzi olidale likamantshi. Hamba emthethwandaba uyebalandisela ngohlupho lwakho bazaba lendlela abaluhluza ngalo njalo babanike lendlela yokuba baphume endlini yakho bakutshiye uzihlalele wena. Indlela abantwana balamuhla abaziphatha ngayo ayihambelani layizolo. Kungakho-ke kuqakathekile ukuba bayekuba lowabo umuzi kude le lapho elizabe livakatshelana khona. Umthethwandaba ulakho ukukuphathisa sibili.
Unjani Khulu, khula uze ukhokhobe. Ngidinga uncedo kuwe, ngiyatshada ekupheleni kukaJune, uhlupho Khulu yikuthi sengitshaywa luvalo ngoba kangikaze ngilale lowesintwana njalo kangikwazi ukuthi kumele ngenzeni nxa siqala ukuhlangana. Nginceda Khulu kangifuni kuyangeka mzwana welanga lami elikhulu.
Impendulo
Yaze yabanhle indaba yakho mzukulu, usuzazidlela uluju lwakho nje mfanawami. Into yokuqala yikufaka ingqondo yakho entweni oyenzayo mzukulu, uyambambabamba, umphulule, umzimba kakuhle, udlaladlalise ingono zamabele, umphulule kakuhle umnike lokhu abathi ngesingisi yi-kiss, izandla zakho zehle ziyedlaladlalisa izindlebe zikagogo ngasese, udlaladlalise indlebe zikagogo ngokhulu, ube yindoda mfanawami, uthintise kamnandi emlonyeni kagogo, umbambe ukhulu ube umthintisa khonaphana, uzezwa intombi igomela, ibubula ngobunandi. Umsondeze eduze kwakho, ukhulu uzazingenela yedwa nje phakathi njengenyoka ingena emlindini. Izandla zimphulule umzimba wonke, zifike lendlebeni, utshaye zonke indlela, yena phansi,wena phezulu,lawe phansi,laye phezulu, ha ha kwakuhle lokhu, uze umnike langemuva mzukulu agomele ngobunandi. Ngaso sonke isikhathi ube udlaladlalisa ingono zakhe zamabele. Ukhangele indlela emjabulisa kakhulu kuyabe kuyiyo okufanele ubambelele kuyo.Zinengi indlela mzukulu uphinde ubuye futhi enkundleni utsho ukuba wahamba njani.
Online Reporter