Vusumuzi Dube
YiNtatheli kaMthunywa
Amapholisa eHwange abophe uMelody Mwiinde, oleminyaka yokuzalwa engu-23, osolwa ngecala lokubulala indodakazi yakhe eleminyaka eyisithupha.
Isehlakalo lesi senzakale mhlaka 23 Mabasa, esiqintini seMujimba 9 eSiabuwa eBinga.
Kumbiko wamapholisa, uMwiinde kucatshangelwa ukuthi wabophela indodakazi yakhe esihlahleni esebenzisa intambo yamagetsi andubana athwale isidumbu ayesiphosela exhiweni.
Ekuchwayisiseni kwamapholisa uMwiinde ulivumile icala lakhe wathi abantu esigabeni bebesenza inhlekisa ngaye ngokugcina umntwana ophila lobugoga, owaphikwa ngitsho languyise njengesizatho esenza wenza insindabaphenduli le.
Online Reporter