Online Reporter
Yintatheli kaMthunywa
OWESIFAZANE oleminyaka engu-46 ubudala kubikwa ugwaze wabulala umkakhe ngengqamu ngemva kwengxabano ebekhona emzini wabo eHighfield Western Triangle eHarare, nanko phela umkakhe ubemsola ngokujola.
UYona Mazenge kubikwa ukuthi ugwaze umyeni wakhe, uNorest Nyamukusa oleminyaka engu-44, ngengqamu yemkulwini. Ngemva kwalokhu uMazenge kubikwa wabikela indodakazi yakhe ngokwasekwenzakele wasephuthumisa umyeni wakhe esibhedlela lapho afika khona wedlula emhlabeni.
Isikhulumi samapholisa elizweni, uCommissioner Paul Nyathi, uqinisekise isehlakalo wathi uMazenge usebotshiwe njalo ubhekane lecala lokubulala.
“Sixwayisa uzulu ukuthi alwisane lodlakela lwemakhaya. Amapholisa abophe owesifazane weHighfield osolwa ngokubulala umyeni wakhe.
“NgeSonto mhlaka 27 Ntulikazi 2026, ngehola letshumi lanye ebusuku, umufi wafika emzini wakhe ephuzile waqalisa ukuthuka lokusola umkakhe ngokumjolela. “Kwaqhamuka ukulwa ngezibhakela phakathi kwabo.
“Ngesikhathi besilwa, umsolwa kubikwa ukuthi wahlaba umufi kanye kuphela ngengqamu esifubeni”.
“Umufi wawela phansi waquleka.”
UCommissinar Nyathi uqhubeke wathi: “Umufi wafika eSally Mugabe Central Hospital esefile.
“Isidumbu sisesibhedlela seSally Mugabe silindele ukuhlolwa ngudokotela (post-mortem).”
