Online Reporter
Rutendo Nyeve
KULENINA leFolosi elizapika inyanga eziyisithupha ejele kulandela ukubhaxabula umkalo labuye lamluma indlebe lamdonsa lamaphambili.
UBlessing Kachenga oleminyaka yokuzalwa eng-29 uzasebenza kungelambadalo amahola angu-105 emthethwandaba weVictoria Falls ngemva kokuba umantshi esule inyanga ezintathu kukhangelelwe ukuthi angadali icala elifanayo kuminyaka emihlanu elandelayo kuthi inyanga ezintathu eziseleyo lazo zesuliwe kukhangelelwe ukuthi asebenzele umphakathi.
Umtshutshisi kulelicala uNkosikazi Portia Kachera ubikele inkundla ukuthi uKachera welokitshini leMkhosana khonale eFolosi wadala icala leli mhlaka 25 Nkwenkwezi.
“Umsolwa ngunkosikazi kamamangala. Mhlaka 25 Nkwenkwezi ngehola lesibili emini, endlini eseMkhosana, ababili laba baba lokungazwisisani ngesizatho esingazange ichazwe sobala.
“Umsolwa waluma indlebe yesandleni sokudla kamamangala andubana amdonse amaphambili.
Indaba le yabikwa emapholiseni okwabangela ukuthi uKachenga abotshwe,” kutsho uNkosikazi Moyo.
