Online Reporter
Ethel Ncube
KULENINA leSeafield eNyamandlovu eliklinye umntanalo olomnyaka owodwa lambulala ngoba uyise esehluleka ukubhadala imali yesondlo.
USimangaliso Dube oleminyaka engu-29 yokuzalwa ubulele umntanakhe uShylet Sibanda (1) ngeviki ephelileyo.
Kubikwa ukuba umama womntwana waklinya umntwana olomnyaka owodwa lenyanga ezingu-7 uShylet Sibanda ngoba uyise womntwana esehluleka ukugcina umntwana.
Isikhulumi samapholisa elizweni uCommissioner Paul Nyathi ugcizelele ngecala leli.
“Mhlaka 30 Nkwenkwezi, 2025 amapholisa eNyamandlovu ubophe uSimangaliso Dube (29) esolwa ngecala lokubulala elenzakale esiqintini seSeafield, eNyamandlovu mhlaka 28 Nkwenkwezi.
“Umetheswacala waklinya umntanakhe olomnyaka lenyanga eziyisikhombisa, uShylet Sibanda ngoba uyise engakhiphi imali yesondlo,” kutsho uCommissioner Nyathi.
Ungezelele wathi icala leli laqala labikwa njengokufa kwakhonapho khonapho kodwa kwasokuvela ukuthi usane luklinyiwe sokuhlolwe imbangela yokufa.
