admin
YiNtatheli kaMthunywa
ABALIMI abafuye inkomo sokumele badibhise inkomo zabo kathathu kumaviki amabili ngesikhathi sebesiyangena kusigaba sokulima sika 2020/21 ukuze babelakho ukulawula imikhuhlane ebangelwa yimikhaza eyabangela ukufa kwenkomo ezingafika 100 000.
Omkhulu kugatsha lwe-Department of Veterinary Services (DVS) uDokotela Josphat Nyika uthe inengi lemikhaza ebangela imikhuhlane kuzifuyo isakhula ngalesisiskhathi njalo ingekela ukulawulwa ingabangela imikhuhlane kuzifuyo. uDkt Nyika uthe imikhuhlane yeTheileriosis kumbe iJanuary Disease isesekhona elizweni njalo ibulala izifuyo ezinengi okudinga ukuthi abalimi balwise imikhaza. I-DVS ifundisa abalimisi ngendlela eziphephileyo njalo eziqondileyo zokufaka imithi yokubulala imikhaza ukuze babelakho ukuyafundisa abalimi.
UHulumende uzakwethula uhlelo lokunikeza abalimi amafutha okugcoba izifuyo ukuze imikhaza ife ngaphansi kohlelo lwe- Presidential Livestock Programme njengomzamo wokulawula imikhaza kanye lokwehlisa inani lenkomo ezifayo okucina kutshiya abalimi bengaselazo inkomo zokulima kumbe bengasela ngitsho sona isifuyo esisodwa.
Imithi le ingafakwa ngendlela eqondileyo, ilakho ukuvikela izifuyo kumikhaza okwensuku ezingu-25 njalo ikhilogilamu elilodwa le-tick grease lilakho ukugcotshwa inkomo ezingu-15 kusiya ku 20 okwamaviki angu-6 kusiya kwangu-8.
Online Reporter