admin
Usakhumbula indaba kaJane the Ghost esasiyixoxelwa kudala singabantwana. UJane ‘yisipoko’ sowefazane esahlupha kuminyaka yama 80’s kusiya kubo 90.
Kubikwa uJane wayemuhle okwelanga njalo ubuhle bakhe babukhanga amadoda amaneni kodwa ayethi angaphuma laye ebhawa uJane acine esenyamalele.
UJane wayelendumela yokunyamalalela amadoda ayabe emqhatshile okobusuku emabhawa atshiyeneyo lapho ayejayele ukunatha khona enzikini yedolobho kanye lasemalokitshini akoBulawayo abalisa iPelandaba, Mpopoma kanye le-Old Magwegwe.
Kubikwa isipoko sikaJane sasandise ukuya ema-nightclub kanye lematshabhini ikakhulu ngempelaviki. UJane okubikwa wayengumama webusuku wayekhanga amadoda ngobuhle bakhe abahugele emangcwabeni ePelandaba andubana anyamalale.
Abasiki bebunda bathi ngeminyaka yama 1990 uJane kuthwa wanyamalala kokuphela okwenza amadoda ayejayele ukunatha laye umagwebu abalesizungu kakhulu. Umbuzo yikuthi amadoda la ayesazi na ukuthi uJane yisipoko sakoNtuthu!!
Online Reporter