admin
YiNtatheli kaMthunywa
INHLANGANISO yezemidlalo kuleli, iPremier Soccer League (PSL) ilinde ukuthi itshelwe nguHulumende ukuthi isingaqalisa imncintiswano yemidlalo yenguqu ephakemeyo.
NgoLwesibili iPSL ithe isinikeze ugatsha lwayo lwezempilakahle umsebenzi wokuthi luphawule amanyethelo wokulungiselela ukuvulwa kweligi, lezinqumo ezizalandelwa ngamaqembu adlala kuligi le.
“IPSL Sports Medicine Committee isiphiwe umlandu wokuthi ibophe izinqumo lamanyethelo azalandelwa ngamathimu kumincintiswano ngesikhathi se-Covid 19,” kutsho uKudzai Bare isikhulumi senhlanganiso yePSL.
Ekhuluma loMthunywa uBare uthe kuzinqumo lezi bakhangelele ukuthi amaqembu elulwe ngendlela azalolonga ngayo abadlali kanye lokuthi imidlalo izaqhusthwa njani.
Inguqu yePSL ayikaqalisi lonyaka. Ngesikhathi kukhangelelwe ukuthi kuvulwe inkundla ngoMbimbitho, kwahlasela igcikwane le-Covid 19 elabangela ukuthi uHulumende avale ukuqhutshwa kwemidlalo yonke.
Online Reporter