Online Reporter
Siyini isabizwana?
Isabizwana lucezu lwenkulumo olusebenza njengebizo. Isabizwana singamela ibizo elingumenzi loba umenziwa emutshweni.
Izibonelo: Inja ilume umntwana. Inja libizo elingumenzi. Umntwana libizo elingumenziwa. Inkomo zisemadlelweni. Inkomo libizo. Imitsho etshengiswe lapha ingabunjwa kutsha, endaweni yamabizo kubelamagama ewamelayo.
Izibonelo: Le ilume yona. Le yisabizwana. Yena laye yisabizwana. Zona zisemadleleni. Zona yisabizwana. Amagama asetshenziswe emitshweni emele amabizo athiwa yizabizwana.
Imihlobo yezabizwana: Elimini lwesiNdebele kulemihlobo emine yezabizwana: Isabizwana soqobo, isabizwana sokukhomba, isabizwana senani lesabizwana sokuchasisa.
Lamhlanje sizaxoxa ngesabizwana soqobo. Njengoba isabizwana soqobo njengazo zonke izabizwana, sisebenza ukumela ibizo emitshweni, singasihlela-ke ngezigaba zamabizo kanje ngaphansi kwezihloko ubunye lobunengi: Ngaphansi kwesigaba Okhulumayo kubunye lobunengi –mina thina, Okhuluma laye: wena lina.
Okhuluma ngaye kusukela kusigaba 1 yena, 1(a) yena 2 bona 2 (a) bona 3 wona, 4 yona, 5 lona 6 wona 7 sona 8 zona 9 yona 10 zona, 11 lona, 12- 13 – 14 bona, 15 khona.
