Online Reporter
Esikuphawulayo nxa sisakha izandiso zendawo ezivela kwamanye amabizo ngezigaba zawo. Siphe okokuqala, unkamisa osekuqaleni siyamguqula kuwo wonke amabizo. Nxa sisakha isandiso sendawo siqalisa ngonkamisa –e- kuzo zonke izigaba ngaphandle kwesigaba 1a lesigaba 2a. Zona ziqalisa ngo-ku-.
Nxa sihlolisisa izandiso lezi sizabona ukuthi kulenguquko eyenziweyo ekucineni kwebizo kuzo zonke izigaba ngaphandle kwesigaba 1a lezigaba 2a: Wonke amabizo acina ngo-a loba-e ajobelela u-eni esikhundleni sabonkamisa laba. Endaweni kankamisa – I osekucineni kwamabizo athize sijobelela u-ini.
Amabizo acina ngo –o ajobelela u-weni nxa sisakha izandiso zendawo. Endaweni kankamisa –u osekucineni sijobelela u-wini.
Qaphela: Kukhona amabizo ambalwa alabongwaqa f, v, my, mf elungeni lokucina belandelwa ngunkamisa –u. Acina ngonkamisa –o sijobelela u-eni kuthi la acina ngonkamisa –u ajobelela u-ini.
Izibonelo ngaphansi kwebizo lesandiso sendawo: isifo – esifeni; isifu – esifini; ulonyovu –elonyovini; imvu – emvini.
Kukhona amanye amabizo esithi uma sisakha ngawo izandiso zendawo angaguquki unkamisa wokucina webizo.
Unkamisa wokuqala webizo nguye othathelwa indawo yisakhi sesandiso e- kuphela. Izibonelo ngaphansi kwebizo lesandiso sendawo: ikhanda –ekhanda; ihlombe –ehlombe. Sizaqala lapha kuviki ezayo.
