Isibanjalo

Siyini isibanjalo?
Isibanjalo lucezwana lwenkulumo olutholakala ngaphansi kwesilandiso loba isenzeko njengesenzo. Singatsho futhi ukuthi isibanjalo ligama elilandisayo elakhiwa lisuselwe kwezinye incezu zenkulumo njengalezi ezilandelayo:

emabizweni, ezabizwaneni, ezichasisweni, ezandisweni lezihlanganisweni.

Izibanjalo zakhiwa zisuselwa kuncezu lezi eziqanjwe ngaphezulu ngokwehlisa iphimbo kunkamisa osekuqaleni ikakhulu emabizweni.

Izibanjalo ezakhiwe emabizweni

Ake sifunde imitsho elandelayo; Ubaba uthenge inkukhu.

Yinkukhu ethengwe ngubaba.

Emutshweni wokuqala ibizo “inkukhu” lingumenziwa. Emtshweni wesibili leli bizo inkukhu seliyisibanjalo.

Khangela la amabizo lezibanjalo esizakha kuwo: Kusigaba 1 ibizo /umuntu/ isibanjalo ngumuntu, abanye bethi wumuntu.

Kusigaba 2 ibizo ngu/abantu/ isibanjalo ngu ngabantu.

Ibizo elikusigaba (1a) umalume isibanjalo esakhiwa lapho ngu/ngumalume.

Ebunengi kusigaba 2(a) ibizo omalume isibanjalo ngu/ngomalume/ abanye bethu womalume.

Kusigaba 3 ibizo ngu/umuzi/ isibanjalo ngumuzi lakho abanye balakho ukuthi wumuzi.

Kusigaba 4 yena ebunengini besigaba 3 ibizo ngu/imizi/ isibanjalo ngu yimizi.

Ibizo kusigaba 7 /isitsha/ isibanjalo esakhiwa lapho /yisitsha/.

Kusigaba 11 ibizo ngu/uluthi/ isibanjalo esakhiwa lapho /luluthi kumbe yiluthi.

Nxa ibizo kungu/ifu/ kusigaba esifananayo isibanjalo esakhiwa lapho /lifu kumbe yilifu/.

Mfundi lawe qedisa ukwakha izibanjalo kuzo zonke izigaba ngendlela efananayo.