Online Reporter
Ubumnini
Ubumnini ligama eliyisichasiso. Njengezinye izichasiso, igama eliyibumnini lichaza usobizo (ibizo kumbe isabizwana). Njengeminye imihlobo yezichasiso, ubumnini kumele busetshenziswe losobizo ochazwayo futhi limlandele kanje:
Indlu kagogo inkulu. Abantwana bakhe bayahlonipha. Zona ezamakhosi azibanjwa. Bona ubumnini njengazo zonke izichasiso zilezakhi ezimbili. Izakhi lezi yisivumelwano lesiqu.
Izivumelwano zobumnini
Izivumelwano zobumnini sizakha ngokujobelela isakhi sobumnini u –a esivumelwaneni senhloko kanje:
Ukwakhiwa kwezivumelwano zobumnini ngaphansi kwezihloko ezilandelayo: izigaba, isivumelwano senhloko, isakhi sobumnini siphethe ngesivumelwano sobumnini:
1a u +a >wa- 2a ba + a> ba- 3 u +a> wa- 4 i + a > ya-5 li +a > la- 6 a +a > a-. Bhala uqedise izigaba eziseleyo.
Izivumelwano zobumnini zakhiwa ngezivumelwano zenhloko. Izivumelwano zenhloko yizakhi ezenza kube lokuvumelana phakathi kwenhloko yomutsho lesenzo kanje: Ibhiza liyagijima. Ubuhlalu buyachitheka.
Unsingankamisa u-w- engajobelelwa isakhi sobumnini okwenzakalayo yilokhu: Nxa isivumelwano senhloko singu –u siguquka sibe ngu-w-. U (i) uguquka abe ngu –y-. U-a- akaguquki.
Uma isivumelwano senhloko silongwaqa uyasuka unkamisa olandela ungwaqa, indawo yakhe ithathwe yisakhi sobumnini u-a kodwa lokhu akwenzeki esigabeni 11 lo15.
Ezigabeni 11 lo 15 unkamisa wesivumelwano senhloko uphenduka abengunsingankamisa u-w-, besesijobelela isakhi sobumnini u-a.
