Online Reporter
Fungai Muderere
UMBANGO wesicoco somdlali ohlohle amabhola amanengi kuPremier League, eseGolden Boot, singathathwa nguTymon Machope kumbe uWashington Navaya.
Abadlali laba, munye ngamunye bagijimisa ukuthi bathole lesi isicoco njengoba kusele imidlalo emibili ukuthi kugqitshwe isizini ka2025. UMachope, odlalela iTelOne, uhlohle ibhola lakhe lesi-15 ngempelaviki kumdlalo wabo leGreenfuel ophele kuyi 1-1.
UNavaya, ukhokhele kulumbango kusukela kuvulwa isizini njalo ufikise ibhola lesi-17 kumdlalo wabo leGreenfuel ngempelaviki. UMachope ugaxe amabili phezulu kweKwekwe United abayibhaxabule 5-1.
Ngomnyaka odluleyo, owathatha isicoco seGolden Boot nguLynoth Chikuhwa owayelamabhola angu-17, esadlalela iHighlanders. Ngendlela uNavaya loMachope abahlohle ngayo, bazabe bephakathi kwequla elizangena kukhalenda yabadlali abenze kuhle lonyaka.
UNavaya uthe akwenzileyo kuvele ekuthini udlale kuhle encediswa ngabanye eqenjini.
“Kuyajabulisa ukwenza kuhle eqenjini. Akusiwo umzamo womuntu oyedwa. Konke kuyenzeka ngokubambisana,” kutsho uNavaya, owake wadlalela iHighlanders owakhulela elokitshini leMtapa eGweru.
Umdlali lo, oleminyaka engu-29 yokuzalwa, usephakamise iqembu lakhe, watshengisa ukuthi laseGweru kulethalenta lomdlalo wenguqu.
Omunye umdlali okade esihlosile isicoco nguBilly Veremu, osehlohle amabhola angu-12.
Uluhlu lwabadlali asebehlohlile kuligi yeCastle Lager:
17 Washington Navaya (TelOne)
15 Tymon Machope, (Scottland FC)
12 Billy Veremu (MWOS)
9 Thandolwenkosi Ngwenya (FC Platinum)
8 Reason Sibanda (Highlanders), Isasker Guribsab (Simba Bhora), Charles Munyanyi (ZPC Kariba)
7 Innocent Masiiwa (Bikita Minerals), Jarrison Selemani (FC Platinum)
6 Talent Chamboko (Ngezi Platinum Stars), Tawanda Macheke (TelOne), Aaron Zekhaa (Triangle), Francis Mustafa (Yadah
Stars), Moses Demera (ZPC Kariba), Brian Muza (Chicken Inn), Clive Rupiya (GreenFuel), Obriel Chirinda (Ngezi Platinum
Stars), Junior Makunike (Simba Bhora), Milton Chimedza, Panashe Mutasa (TelOne), Fanuel Shoko (ZPC Kariba).
