Isidumbu sikaCde Mugabe sesifikile e-Harare

YiNtatheli kaMthunywa

ISIDUMBU salo owayenguMongameli welizwe uKhomuredi Robert Mugabe sesifikile eHarare.

Sifikele egcekeni lendizamtshina leRobert Mugabe International Airport izolo emini sivela elizweni leSingapore lapho abhubhela khona ngoLwesihlanu kuviki ephelileyo.

Umuyi uKhmrd Mugabe ubhubhe eseleminyaka yokuzalwa engu-95.

Umphakathi ovela ezabelweni ezehlukeneyo uzathola ithuba lokuhlonipha iqhawe leli okokucina ngoLwesihlanu enkundleni yeRufaro kuthi ngoMgqibelo sizasiwa eNational Sports Stadium lapho okuzakuba lenkonzo yelizwe yomufi njalo abantu beZimbabwe kanye lezinye inkokheli zamazwe angaphandle ezizathola ithuba lokumvalelisa okokucina.

Umbiko ngamalungiselelo omngcwabo azamemezelwa ngokuya kwesikhathi kodwa ukhangelelwe ukubekwa ngeSonto.

facebookShare on Facebook
TwitterPost on X
FollowFollow us
PinterestSave

Related Posts

Akulalwa ngeCardinal X25 koBulawayo
Akulalwa ngeCardinal X25 koBulawayo

  Nkosilathi Sibanda “Angilayo imbali” Le yiyo ingoma ezabe ihlatshelwa ngesikhathi iqembu lomculo elilodumo kulezinsuku elivela eSouth Africa, iCardinal X25, lithokozisa abalandeli balo ngoLwesihlanu, kwenye ihotela koBulawayo. ICardinal X25 itshintshana…

Continue reading
Ikhefu elitsha iMunhumutapa Day
Ikhefu elitsha iMunhumutapa Day

  Nkosilathi Sibanda UHULUMENDE usebike ukuba umhlaka 15 Mpandula usezakuba likhefu elisemthethweni elizweni njalo lizabizwa ngokuthi yiMunhumutapa Day, kuqalisa lonyaka. Ilanga leli lihambelana lokuzalwa kukaMongameli Emmerson Mnangagwa, njalo uHulumende uthe…

Continue reading

Leave a Reply

Your email address will not be published. Required fields are marked *