admin
Ethel Ncube
Kudaba olutshiye izakhamizi zeKwekwe zimangele, kulendoda okubikwa ihlahlele umntwana womqhatshi wayo ngebhemba okubangele ukuthi abhubhe efika esibhedlela.
UMunyaradzi Chigora kubikwa ubulele umntwana ozalwa ngumqhatshi wakhe uChikomborero Dzapasi ngeviki ephelileyo.
Kubikwa ukuba umuyi walaya umetheswacala uChigora oleminyaka engu-37 ukuba enze umsebenzi ayewuqhatshelwe epulazini kwahle kwaba lokungezwani uChigora wathatha ibhemba wagamula uDzapasi esiphaqeni.
Umuyi wathwalelwa esibhedlela seKwekwe lapho isimo sakhe esafika saba sibi wadluliselwa esibhedlela seMpilo koBulawayo lapho afika wabhubha khona.
Umethwesacala ulokhu engakabanjwa kungakho amapholisa alokhu emdinga.
Isikhulumi samapholisa uthe indaba le isachwayisiswa ngamapholisa.
“Sichwayisisa udaba lwesisebenzi esahlahlela ngebhemba umqhatshi waso. Sicela uzulu ongabe elolwazi asiphathise ukuthi sibophe uMunyaradzi Chigora owetheswa icala lokubulala,” kuphetha ulnsp Mahoko.
Online Reporter