Online Reporter
Nkosilathi Sibanda
BEKUNCANE indawo, abantu kulitshebetshebe likaTshangani eMhlahlandlela, esigabeni seMatobo, esabelweni seMatabeleland, kumgubho walonyaka weNkosi uMzilikazi.
Bahlangene abantu ngoLwesihlanu languMgqibelo, inengi kungabantwana besikolo lapho okwethulwa khona izifundo ngembali yeNkosi uMzilikazi.
Inhlelo ziqale ngehola letshumi lane ekuseni. Okwakuqala, lokhe kwasungulwa umgubho weNkosi ngo2000, kuqhutshwa izifundo ebantwaneni besikolo. Kukhethwe izikolo ezisesigabeni seMatobo lezinye ezivela eMatabeleland North.
Abantwana, ngaphandle kokuthola imbali yeNkosi lamasiko esiNdebele, baphiwe lezinye izifundo ngokuhlonipha lokuba lomlandu empilweni zabo lokuphila lomphakathi.
NgoLwesihlanu, koBulawayo kwethulwe ugwalo ngoMzilikazi: “King Mzilikazi KaMatshobane: The Brave Warrior Who Defied Shaka, Defended the Land and Confronted Colonial Forces.
Abanye abethule imibono yabo ngu-Apostle N Khumalo, uNkosazana P Moyo, iNduna uMasuku, lomqondisi wezemfundo eMatabeleland South uNkosikazi Beatrice Manjere (uMaKhumalo).
