admin
Wayne Ncube
IQEMBU leBulawayo Chiefs elihlala lisadalala kuligi yeCastle Lager libika ukuthi kulisizini lizadanela ebafaneni balo abasakhulayo ngemzamo yokudinga iqhinga lokunqoba.
Amakhosi anikeze abadlali ababili abasesikolo ithuba lokuthi bangene enkundleni endaweni yabadlali abaselesikhathi beligiqa ibhola.
Umqeqetshi waleliqembu uThulani Sibanda uphakamise abafana bakoNdlovu uMalven lo Micheal eqenjini lokuqala. Uthe ulesiqiniseko sokuthi abadlali laba bazatshintsha indlela iqembu elibona ngayo amambule iloba besase ngabafundi.
Ekhuluma lentatheli kaMthunywa umqeqetshi lo ubike ukuba abafana laba abayikuhlulwa yilutho ngoba benelise ukuqhuba kuhle ezifundweni zabo njalo bazimisele ngomdlalo webhola.
“Bazimisele kakhulu njalo ngesikhathi sisacabanga ukubafaka eqenjini lokuqala sihlala phansi sakhangelisisa ukuba lokhu ngeke kubaphambanise ezifundweni zabo njalo konke lokhu kwaba yisinqumo sabantu abanengi abakhangelele ukuba abafana laba bathuthuke emdlalweni wenguqu.
“Ukuba khona kwabo lapha kuzabapha uisibindi sokudlala ibhola eliqeqetshileyo njalo kuzafaka umfutho kulaba abadlali abavele bekhona ngoba ngendlela abenza ngayo emaduzaneni sebengaba zintshantshu.
UMalvern izakudlala phambili egqoke iyembe ka 39 kuzokuthi uMicheal uzakuhlala phakathi laphakathi egqoke iyembe ka 11.
Abadlali laba bazakuba yingxenye yabadlali abavele kuPSL beleminyaka engu 18 yokuzalwa kubenza besiba ngabancane.
“Iminyaka kayitsho lutho abafana zintshantshu laba, bengenza loba yii ukuba batole ithuba lokudlala imidlalo ye PSL lokhu kugoqela ukudlala okungcono kanye lokuyenza kuhle emfundweni yabo,” kuphetha uSibanda.
Online Reporter