admin
Wayne Ncube
KUNGABE kubheda kwezokukhokhelwa kwemidlalo kuleli kodwa usuku lwangoLwesibili lube yisibonelo sokuthi abadlali bazimisele ukuphakamisa isizwe.
Lokhu kuvezwe yikunqoba kwamaqembu elizwe kwezemidlalo agoqela ama-Warriors, ama-Chevrons kanye leqembu labesifazane ele-hockey.
Iqembu lomdlalo kanobhutshuzwayo, ama-Warriors kulandela ukunqotshwa kwalo kumidlalo emibili ku-Afcon, lenelise ukuthabisa abalandeli balo linqoba iGuinea nge 2-1.
Loba ukunqoba lokhu kungeke kwasiza lutho, njengoba abafana sebephenduka ekhaya, kunikeza ilizwe isithunzi kulumqhudelwano wamazwe.
Ngesikhathi abathandi bezemidlalo bebukele umdlalo wenguqu, kube lobuhle njalo ku-hockey lakukhilikithi.
Ukudlala kwamaqembu kwenze inengi lafuna ukwazi ukuthi adlale njani.
Iqembu leZimbabwe eleHockey labesifazane linqobe okokuqala kumqhudelwano weAfrica Cup of Nations oqhubekayo ngemva kokunqoba ele Uganda 5-0.
IZimbabwe ikuqoqo lesibili elilamazwe abalisa iSouth Africa, Namibia le-Uganda.
Umncintiswano lo, oqhutshelwa edolobheni le-Accra eGhana, uhlanganisa lamazwe abalisa iGhana, Kenya, Nigeria leZambia kuhlandla labomama.
Lomqhudelwano oqale ngoMvulo, uzaphela mhlaka 23 Zibandlela.
Ukunqoba kweZimbabwe kumdlalo walo wokuqala kuzakhumbuza imuli yabasekeli bezemidlalo ngomnyaka ka-1980 lapho ilizwe elanqoba khona ku-final yama-Olympics eMoscow.
Iqembu le-hockey leli likhulule inhliziyo zabalandeli ngemva kokwehlulwa 3-0 yi South Africa evikela isicoco sayo kulumncintiswano.
Kuzokuthi kwelinye icele, abadlali bekhilikithi ama-Chevrons anqobe i-Sri-Lanka nge-22, bedlalela e-Pallekele International Cricket Stadium e- Kandy ngoLwesibili.
IZimbabwe yehlulwe kumdlalo wokuqala ngamawikhethi amahlanu ngeSonto. Ukuphumelela kwamaChevrons alinganisa izinga lawo lomkhankaso wama-One Day International (ODI) ku-1-1 leSri-Lanka.
I-ODI yesithathu leyokucina phakathi kwamaqembu lawa ihlelelwe ukudlalwa ngoLwesihlanu.
Online Reporter