Online Reporter
Ethel Ncube
KUMCIMBI oqhutshelwe eMontgomery, eMguza ngoLwesihlanu ugatsha Lwezempilakahle Lokondliwa Kuhle Kwabantwana luveze ukuba iTsholotsho ihamba phambili nxa kusiza kuzibalo zabantu abasebenzisa okudakayo.
Obemele ugatsha lwezemfundo kuhlelo lweDrug and Substance abuse Fundraising uNkosazana Maphosa uveze ukuba ngemva kocwaningo olwaqhutshwayo bafumane ukuthi izibalo zabantu abasebenzisa izidakamizwa ziphezulu endaweni zeTsholotsho.
“Ngomnyaka ka 2024 eMatabeleland North kwatholakala ukuthi abasebenzisa izidakamizwa bangu-1331 kuthi ngo2025 kwaba le-218. ITsholotsho ilenani eliphezulu ebantwini bezidakamizwa, ile-262 kusukela umnyaka uqala kuze kufike kuNhlangula kuwonalo umnyaka, ilandelwe yiHwange 151, Nkayi 147, Lupane 43, Bubi 12, Umguza 3 kuthi iBinga 0,” kubika uNkszn Ngwenya
Uthe kumele kudingisiswe njalo kutholakale amacebo okusiza abantu abakundawana ezitshiyeneyo eMatabeleland North ukuthi babekwazi ukutshiyana lomkhuba lo omubi.
Ubuye waveza ukuba ekulwisaneni lokusentshenziswa kwezidakamizwa kulempahla ezisilelayo.
“Kuyadingakala ukuba sithole impahla yokuncedisa nxa sisenza umsebenzi okhangela ngabantu abasebenzisa okudakayo. Kulempahla ezifana labo laptop, ama-scanners, lokhu kuyasilela kithi.
Kumele kubelendlela zokubamba abalezidakamizwa endaweni ezitshiyeneyo ikakhulu egcekeni lendizamtshina eVictoria Falls ukuze kubanjwe abazingenisayo ngobunono obukhulu.
“Kuyadingakala njalo ukuthi uHulumende adinge amacebo okwakha indawo zokusiza asebethatha izidakamiswa masinyane. AmaRehabilitation Centres azasiza kakhulu ukuthi abantu abazithola bephatheke kulokhu baphangise ukuthola usizo,” utsho njalo.
