admin
YiNtatheli kaMthunywa
AMAPHAHLA enguqu uKelvin lo Elvis sebehlangane njalo bekuqembu leBulawayo Chiefs lona eselingene umnyaka omutsha lisethusela ngokuthenga abadlali.
Kule iviki Amakhosi Amahle abike engesabi ukuthi ahlose ukuthwala inkezo yeCastle Lagers Premier League, okuyikhona okwenza likhuthalele ukuthenga abadlali.
Iqembu leli lithenge uKelvin phakathi kwamalanga ambalwa lithenge uKelvin Madzongwe esuka kuFC Platinum. Isikhulumi saleliqembu uThulani Sibanda sibikele iphephandaba likazulu ngoLwesithathu emini ukuba abadlali, bafuna ukuligiqa okuzwayo enkundleni.
“Esikwenzayo yikuqinisa iqembu njengalokho okufunwa ngabaqeqetshi bethu. Ukuze sinqobe iligi le, kumele sibe labadlali abalomdladla,” nguSibanda lo.
“Asithengeli ukukholisa, hatshi. Ungakhangelisisa sithenge ingcitshi zabadlali.” Yona iChiefs izitshaya isifuba ngokuthi yiyo yodwa ezimiseleyo kumaqembu eligi.
Ngomnyaka ka-2021, iChiefs yaqhatsha umqeqetshi uNilton Terreso, okwakuyisiqalo ukuba lomqeqetshi waphetsheya kuleliqembu.
Umqeqetshi lo uze lenkalakatha yotshintsho nanko abafana beChiefs sebephila kamnandi ngokuthola isiphatho esifana lamathimu akumaligi aphezulu.
Abanye abadlali abasesikhwameni sabaphathi beChiefs babalisa uObadiah Tarumbwa, Obriel Chirinda loPerfect Chikwende.
Umqeqetshi uTerreso kukhangelelwe ukuthi, iqalisa achelese uma ekhetha abadlali bakhe njengoba ithalenta seligcwele eqenjini.
IChiefs yilo lodwa iqembu kuleli elenelisa ukuvula ibhizimusi. Kuminyaka edluleyo, kwavulwa isitolo sempahla yomdlalo webhola, inyathelo eselehlule amathimu abizwa ngokuthi makhulu kuleli.
Kusenjalo, uSibanda wazise ukuba iqembu labo lihlele ukuthi lincedisane lezikolo ukuthuthukisa inguqu. Kubikwa izikolo ezithile zizagqokiswa ama-kit athengwe liqembu leli.
Iligi yeCastle Lager iphenduka mhlaka 12.
Online Reporter