Online Reporter
YiNtatheli kaMthunywa
INKAMPANI yeZimpapers kuliviki izaqhuba ingxoxo yeMen’s Indaba, okuyinkundla lapho abesilisa abaza xoxisana ngendaba eziphambanisa impilakahle yabo.
Ingxoxo lezi zizabe zingoLwesihlanu eKing’s Kraal, Zonkizizwe Shopping Centre, eBradfield koBulawayo.
Indikimba ithi; “Udubo lokuluphala lukhona, wozani sizoxoxa njengamadoda”.
Obona ngezobudlelwano lomphakathi kuZimpapers uNkosikazi Pauline Matanda uthe: “Sikhangelele ukuthi kube labantu abafika ikhulu abavela endaweni ezitshiyeneyo.
“Sihlose ukuvula ingxoxo lokunikeza izixazululo kunkinga ezibakhona ngesikhathi abesilisa sebeluphele, okuyinto ehlasela amadoda amanengi eZimbabwe nanko phela abanye bayabe bephuma emsebenzini sebethatha umhlalaphansi.”
Uthe amalungiselelo aqhuba kakuhle njalo kulosekelo lwamankampani.
“Amalungiselelo ombuthano wakoBulawayo, asezingeni eliphezulu. Kulengatsha lamankampani athile esikhulumisane lawo njalo silethemba lokuthi uzakuba yimpumelelo,” kutsho uNkkz Matanda.
Uthe kubalulekile ukuthi kuxoxwe ngendaba zemali, ukuhlaliseka kwengqondo, lokunye okuhlasela abesilisa njengabantu abagcine imizi yabo.
“NjengeZimpapers, sifuna ukuthi abesilisa baphumele egcekeni, kungabi lokuthula, bathole usizo losekelo.”
Labo abafuna ukuba yingxenye yalumbuthano bakhululekile ukuxhumana loHilda ku: 0772884218 kumbe u-Oliver ku 0774599731.
