admin
AKUBIZWA ozwayo kubalandeli beKaizer Chiefs le-Orlando Pirates abazakuthi gwaqa phambili kukamabonakude mhla zombili zidibana kunkezo ye-Carling Black Label ngeSonto.
Umdlalo lo kubikwa uzacacisa ngezinga eliphezulu ukuqina kwamaqembu womabili phambili kwesizini ezayo.
Kungumbono womqeqetshi we-AmaZulu uBenni McCarthy ukuba lumdlalo uzabukelwa ngabanengi.
UMcCarthhy, oyidlalileyo iCarling eseseku-Orlando Pirates ngaphambi kokuwagaxa esengena ekuqeqetsheni.
Kulumdlalo kuzabe kusehlukene lasemnyakeni edluleyo ngoba inkundla ziyabe zingela abalandeli ngenxa yokumemetheka kweCovid-19, kodwa uMcCarthy, osize AmaZulu aqeda endaweni yesibili kulog, ulindele ngolukhulu ukubona iPirates leChiefs.
“Ngiyathemba ukuthi kuzoba mnandi kakhulu ngoba kumqoka ebholeni laseSouth Africa ukuthi iKaizer Chiefs le-Orlando Pirates zibe sezingeni eliphezulu ukuze banike abalandeli izigemegeme ezaneleyo uma sekubuyelwa enkundleni,” kutsho uMcCarthy.
Ukhuluma kanje uMcCarthy, amaqembu sekulesikhathi ejaha izithunzi zeMamelodi Sundowns.
“Siyawadinga womabili la amaqembu ukuthi abelaphaya ezingeni leSundowns ukuze iligi yethu ibe lesisindo,” kutsho uMcCarthy.
UMcCarthy, obengalikhuthi igedi, ubengomunye wabadlali abebehlezi behamba phambili ngamavoti kuPirates.
Ukubeka kwakhe AmaZulu endaweni yesibili kutsho ukuthi bazadlala kuCaf Champions League lapho iChiefs efinyelele khona, yadliwa kowokucina. Ku-Carling kuvotwa ngokuthenga utshwala kodwa kulokhu, ukuthengwa kwabo kusavaliwe ngenxa ye-coronavirus.
Kodwa kubikwa abalandeli bazakwazi ukuvota ngokungena ku-website ethi www.carlingblacklabelcup.co.za <http://www.carlingblacklabelcup.co.za>.
Online Reporter