Online Reporter
YiNtatheli kaMthunywa
UMCULI wodumo ku-reggae uJimmy Cllif kasekho.
Ubeleminyaka engu-81 yokuzalwa.
UCliff waqalisa ukuhlabela ngeminyaka yama-1960s eJamaica, wazakhela udumo ethola abalandeli umhlaba wonke. Abathandi be-reggae bazamkhumbula kakhulu ngengoma zakhe ezigoqela ethi; Wonderful World, Beautiful People lo You Can Get It If You Really Want.
UCliff wake wabangumlingisi kumabonakude lapho aphuma khona esemdlalweni ka-1972 obizwa ngokuthi The Harder They Come.
Ukufa kukaCliif kuqinisekiswe ngumkakhe uLatifa Chambers.
“Ngokudabuka okukhulu ngibika ukuthi umyeni wami, uJimmy Cliff sedlule emhlabeni,” kutsho uChambers.
Uchaze ukuba uCliff ubegula okwesikhathi eside.
“Ngibonga umdeni, abangane labaculi kunye labanye akade esebenza labo. Kubalandeli bakhe umhlaba wonke, ngithi kabahlale besazi ukuthi usekelo lwabo lubalulekile njalo yilo olubeyinsika empilweni yakhe njengomculi.
“Jimmy, sithandwa sami, lala ngokuthula. Ngizalandela izifiso zakho.”
Umbiko kaChambers lo usekelwe ngabantwababo loCliff, uLity lo-Aken.
Umuyi wazalwa ngo1948 eSt James eJamaica.- Ubulembu
