Online Reporter
Bhekimpilo Tshalibe
KULENDODA yeCowdray Park emiswe emthethwandaba isetheswa icala lokugqekeza ihlomile emotsha.
Umsolwa uClifford Desmond Nare oleminyaka yokuzalwa engu-34 kubikwa mhlaka 10 Nhlolanja kuwonalo umnyaka phakathi kwamabili elabanye bakhe abangakabotshwa abathi uCordias Nkomo, Dumisani Ndlovu kanye loSipho Ncube bagqekeza koKings and Queens Funeral Services eKelvin North, koBulawayo behlome ngemibhobho.
Kuzwakale ukuthi umsolwa uNare walanda unogada wafika wamngqikila ngesidindi sombhobho wasembopha izandla lenyawo ngentambo zesicathulo.
Kubikwa esuka lapho wayabulala ifasitela lehofisini wangena phakathi wabulala isivalo se-store room wangena wavula isisefa wathatha imali engaba yiUS$3 608 kanye leR21 130 kanye lomakhalekhukhwini wohlobo lwe-Huawei wabaleka.
Umantshi uNkosazana Sibongile Marondedze kazange anike umsolwa ithuba lokuncenga ngesikhathi emiswe okwesikhatshana emthethwandaba weWestern Commonage.
Ukuthoniswa kwecala leli kudluliselwe kumhlaka 5 Nkwenkwezi lapho umsolwa azabuya evela esitokisini.
