Online Reporter
Bhekimpilo Tshalibe
UZAHLALA ejele okwenyanga ezilitshumi lambili owacela umsebenzi wokuthengisa ibhele lamajazi, wacabanga ukuhuquluza imali yomnikazi.
U-Agrippa Ngwenya oweRoss Camp koBulawayo utholakale elecala lokuqila omunye imali yakhe, ngesikhathi emiswa phambi kukamantshi uNkosazana Learner Khumalo ngeviki edluleyo.
Inkundla izwe ukuba ngoNholanja ngomnyaka ophelileyo, umsolwa uNgwenya walanda umamangala wacela umsebenzi wokumthengisela amajazi akhe.
Kuzwakale ukuthi umamangala wanika uNgwenya amajazi angu-95. Umsolwa wathengisa ijazi linye ngalinye nge-$5, okutsho ukuba wonke ayebiza intengo engange-US$475.
UNgwenya wathengisa wonke, kazange anike umnikazi yona isenti.
UMantshi uNkszn Khumalo umgwebe inyanga ezilitshumi lambili wamkhuphela ezintathu, esimeni sokuthi uzakwenza amahola angu-105, esebenzela umphakathi mahala.
