admin
Thokozile Mbedzi
KULENINA leNorthend koBulawayo elibotshwe kuviki edluleyo kulandela ukutholakala lilamasaka efethalayiza eCommand Agriculture angu-120.
Inina leli, uSophie Maticha oleminyaka engu-39 utholakale elamasaka ama-50kg kaCompound D angu-120 egalajini lendlu ahlala kuyo.
Ekhuluma lentatheli kaMthunywa uSibonokuhle Maphosa omunye wabomakhelwane uthe kabalankani ngesenzo sikaMaticha.
“Umakhekhelwane wethu lo ubethengisa ifethalayiza le endlini yakhe. Abanye bathe sebenanzelele lokhu basebesiya ncweba amapholisa indlebe.
“Amapholisa esezohlola athole ukuba ifethalayiza le ngeyohlelo lukaHulumende lweCommand Agriculture okuveza sobala ukuba yifethalayiza okwakumele inikwe abantu kodwa itholakale emuntwini munye,” kulandisa uNkszn Maphosa.
Isikhulumi samapholisa koBulawayo uInspector Abedinico Ncube ebuzwa ngodaba lolu uthe solufikile ehofisini yabo.
“Sichwayisisa udaba lwenina elitholakale lilamasaka efethalayiza umhlobo weCompound D angu-120. Inina leli libotshwe ngemva kokuba amapholisa ethole umbiko wokuba inina leli lithengisa ifethalayiza. Inina leli litshele amapholisa ukuba likubhizimusi lokuthengisa.
“Amapholisa athanda ukubonga uzulu ngokusebenzelana kuhle lamapholisa ngakho kabaqhubekele phambili bencedisa amapholisa ngembiko,” kuphetha ulnsp Ncube.
Online Reporter