admin
KULENYANGA eleminyaka engu-49 yokuzalwa ebotshwe kulandela ukubamba umntwana oleminyaka yokuzalwa engu-12 iganyavu ngemva kokumnika umuthi wokuthi aqaleke.
Ngokutsho kwencwadi ezivela emapholiseni umsolwa walanda umamangala wambikela ukuthi ulemimoya okumele igeziswe isuke kuye.
Umsolwa kubikwa wathatha umuthi waqala ukugcoba umamangala esithweni sakhe sangasese andubana amnike omunye umuthi oyimpuphu lo athi awukhume okwabangela ukuthi umamangala acine eqaleka umsolwa wasemdlwengula.
Kusitatimende esiphume ngoMvulo isikhulumi samapholisa elizweni uAssistant Commisioner Paul Nyathi uthe kuliqiniso ukuthi kulecala lenyanga ebambe umntwana oleminyaka engu-12 iganyavu.
IZimbabwe Republic Police iyakuqinisekisa ukuthi uMaster Ndlovu (49) weNkanyiso eSengulube Mateme Gwelutshena ubambe umntwana oleminyaka engu-12 iganyavu mhlaka 26 Nhlolanja lonyaka.
Umsolwa walanda umamangala wambikela ukuthi ulemimoya emlandelayo okumele ayikhiphe, waselaya umamangala ukuthi akhumule impahla lakanye wakwenza lokhu umamangala.
“Umsolwa wagcoba umamangala omunye umuthi esithweni sakhe sangasese andubana amnikeze umuthi oyimpuphu lo athi awukhume. Umamangala wathi ngemva kokukhuma umuthi lo wahle waqaleka umsolwa wamdlwengula wamtshiya eqalekile emkulwini.”
Online Reporter