admin
KULENYANGA yeNyanga, eManicaland kuleli eveze ukuba yiyo eyanika omunye usomabhizimusi ondofa bokuceba asebehlupha abomdeni balusomabhizimusi.
Ondofa laba sebaletha ukukhathazeka okukhulu, umnyama kanye lokufa kumuli yako Kamutate.
Inyanga le, u-Edgegot Matiashe ngemva kokubuzisiswa ngabazukulu bakasomabhizimusi uJoseph Nyamusa Kamutate besithi ahlambulule imuli le yathi abahlawule inkomo eziyisificaminwe mibili.
Inyanga le kubikwa seyathengisa ezinye zalezi inkomo.
Amapholisa athi abazukulu bakaKamutate abathi uLionel Wonder Nyamusa (46), Memory Nyamusa (34), Lovemore Nyamusa (36) lo Blessinga Nyamusa (43) labo babotshiwe ngecala lokutshaya ukhulu wabo.
Abazukulu baka Kamutate kubikwa bamtshaya besithi wasebenzisa imithi emibi eyabangela ukuthi ezinye izihlobo zigule umkhuhlane wengqondo kuthi ezinye lazo zihlangane leminyama etshiyeneyo empilweni.
Omunye ongumakhelwane walaba bazukulu owale ukuqanjwa ngegama uthe indaba le isihluphile esigabeni njalo abantu bacabangela ukuthi uKamutate walimala kakhulu nanko phela abazukulu bamthelela bamtshaya.
Abazukulu balimuli bazonde bagane unwabu, indlela abantu abafa ngayo kulimuli iyesabeka okwenza babelolaka olwesabekayo,” kutsho lumakhelwane.
Isikhulumi samapholisa esabelweni seManicalanda u-Inspector Luxson Chananda ugcizelele ngodaba lolu.
Uthe mhla kusenzakala inhlekelele le abemuli yakoNyamusa bahamba emzini kaKamutate bathi akaphume endlini.
“Babemethesa umlandu wokubangela isinyama kanye lokufa emdenini. Babethi uKamutate wathatha ondofa kuMatiashe ngomnyaka ka 1996 okuyikho okubangela ukufa emdenini.
“Yena wala ukuthi ulabondofa. Lokhu kwazondisa abakoNyamusa bamtshaya bamlimaza bamdonsa baya laye komunye umphurofethi owathi ukungahlaliseki kanye lokufa emdenini kubangelwa nguKamutate,” utsho njalo.
U-Inspector Chananda uqhubekele phambili wathi, “Abantwana laba ababotshiweyo babezondile kakhulu bacina besiya kuMatiashe wafika wabatshela ukuthi wanika uKamutate ondofa ngomnyaka ka 1996.
Inyanga le yathi ifuna inkomo eziyisikhombisa ukuze yenze umsebenzi wokuthatha ondofa labo kanye lokuhlambulula ikhaya labo,” utshonjalo u-Inspector Chananda.
Kubikwa abantwana labo bathi befika njalo ekhaya bamtshaya njalo uKamutate.
“Bambamba ngamandla bathi kahambise inkomo ezifunwa yinyanga.
“Bathatha inkomo lezi bayazipha inyanga yathembisa ukuthi izahlanza imuli ukuze ihlale ngokuthula njalo kungela okuyihluphayo,” kutsho u-Inspector Chananda.
UKamutate wamangalela abazukulu bakhe eNyanga Police Station okwabangela ukuthi babotshwe. Uthe ekuchwayisiseni loludaba kwavela ukuthi uMatiashe wayesethengise ezinye inkomo aziphiwayo.
Online Reporter