Kukaringa zvitaka zvehuku

ZVIRIMUGAPU NAMUCHANETA CHIMUKA 

ZVITAKA zvehuku usavi hunonaka zvikuru kana hukakaringwa zvakanaka zvekuti unogona kuzviruma rurimi wanakirwa.

Svondo rino Ashley Muchamiri wekwaRusape anorondedzera mamwe mabikirwo ezvitaka zvehuku.

Zvinodiwa:

Chikari, poto kana pani, chipunu, mugoti, mafuta, munyu, mhiripiri yakareruka yerudzi rwered and green pepper.

Mabikiro:

Tora mhiripiri wosuka nemvura inotonhora wocheka muzvidimbu.

Suka zvitaka zvehuku nekubvisa nduru dzinosaririra.

Gadza pani, chikari kana poto pamoto.

Isa mafuta, kana apisa chiisa zvitaka zvishoma nezvishoma kuti zvinyatsotsvukira mativi ose.

Isa mhiripiri wokwidibira zvomboshinyira kwemaminitsi masere.

Isa munyu wobura nekuti mhiripiri dzinoburitsa muto wadzo wakakwana.

Usavi uhu hwakanaka kudya nemupunga kana masupageti.