Kulindeleke ukuba abuyele emsebenzini maduze ‘uTau’

JOHANNESBURG — Kulindeleke ukuba umlingisi odlala phambili emdlalweni oyintandokazi kumabonakude iGenerations: The Legacy abuyele emsebenzini emasontweni amabili azayo.

UTau ogamalakhe lokuzalwa nguRapulana Seiphemo walimala engozini eyenzeka ku-N14 eduzane laseDiepsloot eyadlula labantu abathathu kwalimala abathathu kubalwa laye lumlingisi ngoNhlolanja. Lumlingisi welatshwa egumbini labagula kakhulu i-ICU esibhedlela seMilpark kukanti ababili belatshwa ezibhedlela zikahulumende.

Okhulumela iGenerations: The Legacy, uGaaratwe Mokhethi utshele iphephandaba iCity Press ukuthi uSeiphemo uba ngcono kulandela ingozi eyayihlasimulisa igazi kukanti uzobuyela emsebenzini ngenyanga ezayo.

‘‘Usasangomunye wethu, usayingxenye yomndeni, asisakwazi lokulinda ukuthi abuye,’’ utsho njalo.

UMokhethi uphinde wathi selokhu alimala uSeiphemo ophrojusa bomdlalo balokhu bembheka.

‘‘Kakasili ngokupheleleyo njengoba esazoqhubeka lokuthatha imithi yakhe emsebenzini,’’ kutsho uMokhethi.

USeiphemo akatholakalanga ephawula. — Ubulembu