admin
Listen Ndlovu
KUMISWE indoda lendodakazi yayo emthethwandaba weTredgold koBulawayo besetheswa icala lokuhlangana emacansini.
Abetheswa icala uJohane Moyo oleminyaka engu-35 lo Precious Moyo oleminyaka engu-19, abahlala esigabeni seTobotobo eNsuza bamiswe emthethwandaba kamantshi uNkosikazi Marigold Maphosa mhlaka 15 Zibandlela besetheswa icala lokuhlangana emacansini bona belobuhlobo.
Umtshutshisi kulelicala uMilton Moyo ubikele umantshi ukuthi uJohane yindoda ethethe unina kaPrecious okutsho ukuthi ababili laba ngubaba lendodakazi yakhe.
Kubikwa ngenyanga kaMbimbitho nyakenye uJohane watshela uPrecious ukuthi uyamthanda baqala ukuthandana.
Uqhubekele phambili esithi ababili laba baqala ukuhlangana emacansini kusukela ngaleyonyanga ngoba besazi ukuthi unkosikazi kaJohane, uSinqobile Sibanda uhlala engekho eseBotswana.
Ekuphendukeni kwakhe ngomnyaka ka 2021 uSibanda mhlaka 18 Mpalakazi wathola uPrecious engekho wazombona mhlaka 24 Mpalakazi lapho ambuza khona ukuthi ubengaphi, yikho ukuthi uPrecious akhulume ukuthi ubesesaba ukuthi abantu bazakhuluma ukuthi uhlangana loyise emacansini.
Indaba le yabikwa emapholiseni, uPrecious wahanjiswa esibhedlela seSt Lukes ukuyahlolwa.
Umantshi udlulisele phambili ukuthoniswa kwendaba le kumhlaka 22 Zibandlela.
Online Reporter