Kuqakathekile ukuhlola umhlabathi kungakalinywa

Climate curricula are essential to meet the requirements; genuine engagement with the issue is vital.

Johas Moyo
ABENHLANGANISO yeEnvironmental Management Agency (EMA) esabelweni seMatabeleland North leSouth bakhuthaza abalimi bonke ukuthi baqale bahlolisise umhlabathi wabo bengakaqali ukulima ukuze babelesivuno esihle.

Lokhu kuza ngemva kokuba sokunanzelelwe ukuthi abalimi abanengi abakwazi ukuthi balakho ukuhlola umhlabathi ukuze balungiselele ukulima ngokufaneleyo.

Emhlanganweni oqhutshwe kumaviki amabili edluleyo ehoteleni yeCresta Churchill koBulawayo ingcwethi kwezokulima zivumelane ukuthi umhlabathi weMatabeleland udinga ukuthi uhlolwe abalimi bengakaqali ukulima.

Ngalokhu abalimi bazakubalakho ukuthi babone inhlabathi elungele ukulima kumbe ukufuya inkomo ngoba ukudla (nutrients) okukiwo kuyatshiyana kusiya ngezindawo.

UKudakwashe Manyanga onguClimatic Research Officer ubike ukuthi indawo yeMatabeleland ilayo imitshina engenelisa ukuhlola ukuvunda komhlabathi kanye lokuveza umhlobo wezilimo okuyabe kufanele zilinywe kundawo ehloliweyo.

Ngokunjalo abalimi kumele labo bathole ilungelo lokuthi umhlabathi wabo uhlolwe bengakaqalisi ukulima.

“Sikhuthaza abalimi bonke esabelweni seMatabeleland yonke ukuthi babone ukuthi umhlabathi wabo uyahlolwa ngoba umhlabathi uyatshiyana ukuvunda kwawo okwenza lezilimo ezilinywayo zitshiyane.

Abalimi balakho ukwazi ukuthi umhlabathi wabo unjani okungabasiza ukuthi babekwazi ukuthi kumele balime njani”, kutsho uMnu Manyanga.

UMnu Manyanga uphethe ngokuthi umhlabathi osesabelweni seMatabeleland kumele uhlolwe ukuzeabalimi bazi njalo ubunengi bamanzi okwenza abalimi benelise ukuthi bahlele ukulima kwabo ngendlela efaneleyo.