Kuthungathwa abagqekeze koJet eBulawayo centre

YiNtatheli kaMthunywa

AMAPHOLISA athungatha izigelekeze ezihlomileyo ezigqekeze esitolo seJet Stores eBulawayo Centre ngoLwesithathu ekuseni.

Kuzwakale ukuthi izigebengu lezi zibaleke lemali edlula R30 000 kanye le-US$1 000.
Amapholisa aphange afika endaweni yesehlakalo njalo aseqalisile uphenyo lokudinga izigebengu lezi.

Kubikwa izigebengu lezi zifike zazithela esitolo lesi zihlome ngemibhobho ngehola lika-9:30 ekuseni andubana zibaleke lemali.

Iqula labonogada benkampani yeSafeguard Security Company elihlome ngezibhamu, kanye lamapholisa leZimbabwe Republic Police (ZRP), lifike endaweni yesehlakalo ngemva kokwaziswa ngaloludaba.

Kubikwa akulamuntu olimeleyo ngesikhathi kuhlaselwa isitolo lesi.
Amapholisa ayaqhubeka ngophenyo njalo akukabi lomuntu osebotshiwe.

facebookShare on Facebook
TwitterPost on X
FollowFollow us
PinterestSave

Related Posts

UMongameli uMnangagwa uqeqetsha abafundi beNUST abangu-2 570
UMongameli uMnangagwa uqeqetsha abafundi beNUST abangu-2 570

Yintatheli kaMthunywa KUME konke koBulawayo, kwaba yinjabulo mgoLwesihlanu kuqhutshwa umbuthano wokwetheswa kwezicoco zemfundo kubafundi beyunivesithi ye-National University of Science and Technology. Abafundi abangu-2 570 baphiwe incwadi zabo zokuqeda izifundo nguMongameli…

Continue reading
Iminyaka emithathu ejele, bezama ukubulala isisebenzi
Iminyaka emithathu ejele, bezama ukubulala isisebenzi

  Nkosilathi Sibanda KULAMADODA amabili akoBulawayo agwetshelwe ukuyahlala ejele iminyaka emithathu kulandela ukuzama ukubulala enye indoda abasebenza layo. Lokhu kuvele ngesikhathi uNjabulo Mpofu (31) owelokitshini leMabuthweni lo Clinton Mlilo (27)…

Continue reading

Leave a Reply

Your email address will not be published. Required fields are marked *