admin
UVELE ngeviki ephelileyo enkantolo kaMantshi Ezinqoleni umsolwa obotshwe kulandela ukubulawa ngesihluku kwezithandani esezikhulile.
Lumsolwa (29) olandela abanye ababili abasanda kubotshwa ubanjwe eHarding lapho abebhace khona, wetheswa icala lokubulala lelokutshisa.
Okhulumela amapholisa KwaZulu-Natal, uColonel Thembeka Mbele, uthe amapholisa abophe lumsolwa kulandela ukuchwayisisa okujulileyo njalo kulomunye umsolwa olokhu esadingwa.
Lumsolwa ubotshwe kulandela ukuthi ngoMgqibelo odluleyo ngabo 10 kwabulawa izithandani esile-60 lesile-62 KwaNyuswa, Ezinqoleni ngemva kokungena kwabasolwa abaziwayo. Bazihudula lezi zithandani bazikhiphela phandle qede bazigwaza amanxeba amanengi ngaphambi ngokuzitshisa.
Indlu yabo layo yatshiwa abasolwa maqede babaleka endaweni yesehlakalo.
UCol Mbele uthe amapholisa abikelwa ngalesi sehlakalo afica imizimba yabantu ababili itshile.
“Kwaqalwa uphenyo endaweni yesigameko, amapholisa alandela lomkhondo wabasolwa abathintekayo. Kwabotshwa abasolwa ababili ole-25 lole-32. Kulindeleke ukuthi bavele ngecala lokubulala lelokutshisa ngenhloso, kulindeleke kubotshwe lomunye,” kutsho uCol Mbele.
Mayelana lomsolwa obotshwekuviki ephelileyo, uzagcinwa esitokisini kuze kube mhlaka 17 Nhlangula lapho angabeka khona isicelo sebheyili. — Ubulembu
Online Reporter