derick.khumalo
Nkosilathi Sibanda
OMANTSHI abavela ezigabeni zonke zelizwe bahlangene ngoLwesihlanu emhlanganweni wokulolwa ulwazi ngenhloso yokuthuthukisa indlela abathonisa ngayo amacala kunye lokuqinisa amalungelo kazulu kwezomthetho.
Umhlangano lo, oqhutshwa yiJudicial Services Commission uvulwe nguChief Justice u-Elizabeth Gwaunza
Inhlanganiso ye-UNICEF layo yethule amazwi ayo.
Ngosuku lokuqala, omantshi kukhangelelwe ukuthi bazafundiswa ngezihloko eziphathelane lokuphathwa kwamacala obugebengu, ukwahlulela lokuqinisa ukusebenza komthethwandaba.
UMnumzana Erastys Hatutale, ongumantshi omkhulu elizweni leNamibia, wethule isifundo esikhuluma ngalokho iZimbabwe engakufunda ekusebenzeni kwemthethwandaba.
UMahluli weHigh Court uJustice Mutevedzi uchasise ngamaphutha ajayele ukwenziwa ngabahluleli emacaleni obugebengu, kwathi uJustice Mushure wafundisa ngendlela efaneleyo yokwahlulela amacala ezingozi zomgwaqo, ikakhulu lawo aphathelane lokubulala ngokungananzeleli.
Umhlangano uzaqhutshwa okwensuku ezimbili.
Online Reporter
Bunjiwe Mkwananzi