Online Reporter
Nkosilathi Sibanda
ABATHANDA umculo lokuzilibazisa koBulawayo bakhangelelwe ukuba lobusuku obukhulu bomculo lapho abaculi ababalisa uBaba Harare, Abigail Mabuza loMzoe 7 abazatshengisa khona ubungcitshi babo kuhlelo lweSummer Splash.
Uhlelo lolu luzakwenziwa kwelinye iwotela koBulawayo ngoLwesihlanu ntambama, njalo inkundla ĺabathandi bomculo ingoma ezitshiyeneyo.
Uhlelo lolu luzabe luphethwe nguMr Jaiva loMC Freddy K, ngesikhathi oDJ ababalisa uDJ Riggz, DJ SKB, DJ Flexxy, DJ Ayyax loDJ Kethio bazabe bephethe umsebenzi wokulibazisa uzulu ngamadlalade.
Omunye wabaqoqi bomcimbi uDJ Kethio uthe iSummer Splash ihlose ukuhlanganisa abantu koBulawayo endaweni eyodwa ukuze bazithokozise ngomculo lokudla bezilibazisa.
“Kukhangelelwe ukuthi umcimbi lo udonse abantu abavela endaweni ezehlukeneyo zedolobho njengoba uzabe uhlanganisa abaculi laboDJ.
“ISummer Splash iza ngesikhathi koBulawayo kuqhubeka kuvela imicimbi etshiyeneyo yokuthuthukisa umculo lokupha abaculi ithuba lokutshengisa amathalenta abo phambi kwabalandeli,” kutsho uDJ Keitho.
