Online Reporter
Nkosilathi Sibanda
UMPHATHINTAMBO weProvincial Affairs leDevolution koBulawayo, uJudith Ncube ukhangelelwe ukuthi avule umkhosi wokuthakazelela amasiko kulesisabelo lamuhla emini, eLobengula Hall.
Kuhlangene abantu abavela endaweni ezitshiyeneyo njalo kulembukiso yamasiko abeNsundu lamaqembu emigido yesiNtu ethokozisa uzulu. Labantwana bezikolo eziselokitshini leLobengula lezivela kwamanye amalokitshi edolobheni.
Indikimba yalonyaka ithi: “Sithakazelela amazwi omdabu”.
Inyanga kaNkwenkwezi yabekwa ukuthi kuthakazelelwe ukunanzwa kwamasiko emhlabeni wonke, yinhlanganiso ye-United Nations Educational, Scientific and Cultural Organisation (UNESCO).
Umkhosi lo uza kulandela ukusungulwa kwelanga lokunanza amasiko nguMongameli uMnangagwa, eChiredzi mhlaka 22 Nkwenkwezi.
Amaqembu azathokozisa uzulu athe gwaqa eLobengula Hall agoqela iKhaya Arts, Hwabaraty, Bambanani, UMthwakazi Kandaba, Woza Africa, le Umkhathi Theatre Works labanye.
Okwakhathesi, uMphathintambo uNcube ubhode ebona imbukiso ekhona.
